Ende nuk është arritur një marrëveshje mes Kosovës dhe Serbisë.

Komisioneri Evropian për Zgjërim, Johannes Hahn pret që dialogu midis Serbisë dhe Kosovës të dalë nga bllokada dhe të rezultojë me një marrëveshje.

Komisioneri Hahn tha se pas daljes nga bllokada pret që dialogu të rezultojë me një marrëveshje, e cila, siç thotë ai, do të përcaktohet me qindra anë, përcjell lajmi.net.

Ai theksoi se shpreson që së shpejti do të ketë një vazhdim të dialogut midis Kosovës dhe Serbisë.

“Ka një ndalesë në dialog dhe shpresoj që së shpejti ta tejkalojmë atë. Zgjidhja e kësaj çështjeje dhe qëllimi i një marrëveshjeje të detyrueshme ligjore është një parakusht themelor për shumë projekte rajonale që kërkojnë zgjidhjen e marrëdhënieve në të ardhmen”, tha Hahn.

“Marrëveshja e Prespës midis Maqedonisë dhe Greqisë ka midis 35 dhe 40 faqe. Nuk pres që marrëveshja e ardhshme mes Kosovës dhe Serbisë do të jetë më e vogël, ndoshta do të ketë qindra palë, pavarësisht nga rezultati, ajo duhet të jetë e qëndrueshme, të kontribuojë në zhvillimin e tërë rajonit dhe të mos prekë palët e treta”, tha diplomati evropian.

Probleme të hapura:

Hahn përsëriti se BE nuk do të pranojë vende me çështje të hapura bilaterale gjatë debatit mbi “Politikën e BE-së për të ardhmën e Zgjerimit”, në Komitetin e Politikës së Jashtme të Parlamentit Evropian.

Komisionieri Evropian theksoi se pavarësisht hapave “të prapambetur” të rastit, ka pasur përparim të përgjithshëm në Ballkanin Perëndimor në fushën e ekonomisë, të sundimit të ligjit dhe të rregullimit të raporteve midis vendeve.

“Tani kur bëhet fjalë për problemet, reagimi i natyrshëm është se ata që janë përgjegjës marrin telefonin, telefonojnë dhe përpiqen të qetësojnë situatën. Edhe vite më parë ishte e pamundur dhe do të kishte dhunë. Ky është një përmirësim i qartë”, tha ai.

Komisioneri theksoi se në pjesën kryesore dhe në fokusin e politikës të zgjërimit të BE-së është përparimi në fushën e ekonomisë dhe sundimit të ligjit.

Marrëdhëniet me Rusinë:

Duke iu përgjigjur pyetjes për marrëdhëniet e Serbisë, si vend kandidat për anëtarësim në BE dhe Rusisë, Hahn tha se një nga pikat e bisedimeve të pranimit është se çdo partner në fund të negociatave duhet “të mbështesë 100 për qind politikën e jashtme të BE-së”.

“Nëse nuk është kështu, atëherë nuk mund të bashkohet me BE”, u përgjigj ai dhe hodhi poshtë pretendimet rreth ekzistencës së mundshme të “pranverës së Ballkanit”.

“Nuk do të përdorja termin “Pranvera e Ballkanit”, sepse demonstratat në Serbi, Shqipëri dhe Mal të Zi, kanë shkaqe të ndryshme. Politika e brendshme ka një ndikim të rëndësishëm në pakënaqësitë, por arsyet për protesta janë të ndryshme nga njëri vend në tjetrin.

Komento:

	Komenti