Mbahet testi me shkrim për rekrutimin e 22 prokurorëve të rinj.

Këshilli Prokurorial i Kosovës ka organizuar mbajtjen e Testit me Shkrim për rekrutimin e 22 prokurorëve të rinj të shtetit në Akademinë e Kosovës për Siguri Publike në Vushtrri.

Zyra për Komunikim Publik e KPK-së ka bërë të ditur se në kuadër të këtij procesi kanë marrë pjesë 238 kandidatë, përcjell Klankosova.

“Në kuadër të këtij procesi morën pjesë 238 kandidatë, prej të cilëve 5 nga komunitet joshumicë dhe 93 kandidatë të gjinisë femërore.

Fillmisht, në prani të monitoruesve, sot, në ditën e mbajtjes së këtij testi, Komisioni për Rekrutimin e Prokurorëve të Shtetit hartoi Testin me Shkrim për kandidatët. Me këtë rast, Kryesuesi i Këshillit Prokuroial të Kosovës, Jetish Maloku, i shoqëruar nga anëtarët e tjerë të Komisionit për Rekrutimin e Prokurorëve të Shtetit, në cilësinë e kryetarit të këtij komisioni, mbikëqyri rrjedhën e plotë të mbajtjes së Testit të sotëm me Shkrim”, thuhet tutje në njoftim.

Komento:

	Komenti