Komisioni Qendror i Zgjedhjeve ka publikuar përditësimin më të fundit të rezultateve nga votimi në përfaqësitë diplomatike të Kosovës.

Deri në orën 23:30, janë procesuar 42 nga gjithsej 47 vendvotime, që përbëjnë 89.36 për qind të totalit të votave.

Lëvizja Vetëvendosje vazhdon të kryesojë bindshëm me 16,288 vota ose 83.27 për qind.

Partia Demokratike e Kosovës (PDK) renditet e dyta me 1,367 vota (6.99 për qind), ndërsa Lidhja Demokratike e Kosovës (LDK) ka marrë 1,306 vota (6.68 për qind).

Diferenca mes dy partive opozitare është vetëm 61 vota, duke e mbajtur garën shumë të ngushtë për vendin e dytë në përfaqësitë diplomatike.

Aleanca për Ardhmërinë e Kosovës (AAK) deri tani ka siguruar 407 vota, ose 2.08 për qind të totalit.

Numërimi i votave në përfaqësitë diplomatike po shkon drejt përfundimit, me vetëm pak vendvotime të mbetura për t’u procesuar.

Komento:

	Komenti