Me kërkesën e 40 deputetëve, kryesia e Kuvendit të Kosovës neser mban mbledhje – Ora Info Ballina | ORAinfo.com - Nuk ndalet

Me kërkesën e 40 deputetëve, kryesia e Kuvendit të Kosovës neser mban mbledhje

18:38 | 07 Shkurt 2019

Kuvendi I Kosovës neser nga ora 10:00 mban mbledhje në të cilën do të shqyrtohet kërkesa e 40 deputetëve për të mbajtur një seancë të jashtzakonshme.

Ndryshe kujtojmë se tri parti opozitare, Vetëvendosje, LDK dhe Alternativa, kanë dorëzuar kërkesën për seancë të jashtëzakonshme të Kuvendit lidhur me dyshimet për abuzim seksual të një të miture në Drenas.

Këto parti kanë kërkuar që seanca të mbahet më 8 shkurt në orën 12:00.

Në arsyetim të kërkesës për këtë seancë, theksohet se “rastet e raportimeve publike të dhunimeve dhe abuzimeve seksuale tek të miturit dhe tek vajzat e gratë brenda institucioneve të Kosovës nuk janë më të izoluara”.

“Këto raste tashmë janë kthyer në fenomen”, thuhet në arsyetim, ku shtohet se “mbrojtja e integritetit fizik dhe moral i të miturve, vajzave dhe grave është përgjegjësi ligjore prej ministrive të linjës deri tek agjencitë ligjzbatuese që mbikëqyren nga Qeveria, Kuvendi, Këshilli Prokurorial, Këshilli Gjyqësor dhe Avokati i Popullit, thuhet në njoftim. /Lajmi.net/

Komento: