Duket se Milot Rashicën së shpejti do ta shohim në fushë.

Ylli i Werder Bremen, Milot Rashica, do të rikthehet në aksion pas dy javëve për ta rifilluar misionin e vështirë për ta shpëtuar klubin e vet nga rënia prej Bundesligës.

Edhe zyrtarisht sezoni 2019/20 në Bundesligë do të rifillojë më 16 maj dhe do të mbarojë më 27 qershor, konfirmoi sot Liga e Futbollit Gjerman.

Futbolli në Gjermani u pezullua në mes të muajit mars, si pasojë e shpërthimit të pandemisë koronavirus me të cilën janë infektuar mbi 150 mijë persona dhe kanë vdekur gati 6.300 persona deri tani. Por, meqë situata është përmirësuar shumë dhe numri i të infektuarve ka rënë dukshëm, qeveria gjermane dha dritën e gjelbër për rikthimin e futbollit në vend.

Sezoni, i ndërprerë pas javës së 25-të në mars, do të rifillojë aty ku mbeti, me ndeshjen mes Borussia Dortmundit dhe Schalkes të shtunën më 16 maj.

Por kur do ta shohim yllin e Kombëtares së Kosovës, Milot Rashicën, në aksion?

Ëerder Bremen do të jetë nikoqir i Bayer Leverkusen të hënën më 18 maj, me 23-vjeçarin nga Vushtrria që do të përpiqet ta vazhdojë formën e mirë që e gëzonte para pandemisë Covid-19.

Rashica, për të cilin është përfolur vazhdimisht gjatë këtij viti se do të largohet nga Ëerderi, kishte thënë gjatë karantinës se nuk e tundonin ofertat nga klubet e mëdha, sepse është i përqendruar t’i ndihmojë klubit të vet të mbijetojë në ligën elitare gjermane.

Klube si Liverpool, Chelsea dhe Borussia Dortmund, si dhe shumë të tjera në Evropë thuhet të kenë shfaqur interesim për 23-vjeçarin nga Vushtrria, i cili e ka një klauzolë lirimi në vlerë 38 milionë euro në kontratën e tij me Werderin.

Madje, sipas mediave gjermane, Dortmundi i ka nisur bisedimet me Ëerderin për Rashicën, të cilin e sheh si zëvendësues ideal të anësorit anglez Jadon Sanchon, i cili pritet të largohet këtë verë.

Por shqetësimi primar i kosovarit është gjendja aktuale e klubit të tij.

Werderi renditet në pozitën e parafundit në Bundesligë, me 18 pikë, tetë pikë larg vendit që ia siguron qëndrimin në elitë, të ciline mban Mainz.

Skuadra e Florian Kohfeldt e mori vetëm një pikë nga pesë ndeshjet e fundit para pandemisë, duke u mposhtur katër herë radhazi para se të barazonte Hertha Berlin.

Misioni i Rashicës, i cili i ka shënuar 10 gola dhe i ka dhuruar pesë asiste në 24 ndeshje deri tani këtë sezon, do të jetë ta shpëtojë Ëerderin dhe pastaj ta mendojë të ardhmen.

I pyetur rreth interesimit të madh të klubeve evropiane për të, Rashica kishte thënë në fund të marsit për SID: “Nuk kam menduar shumë për këtë ende, sepse në gjendjen aktuale sportive mendime të tilla vetëm sa të shpërqendrojnë nga gjërat thelbësore. Në fund të fundit nuk i kryen punë askujt, as mua e aq më pak klubit tim. Unë jam duke e marrë shumë seriozisht gjendjen aktuale dhe dua të bëj gjithçka për ta nxjerr klubin nga ajo”.

Ai kishte shtuar: “Një ditë dua të garoj vazhdimisht kundër lojtarëve më të mirë në botë dhe të luaj në Ligën e Kampionëve çdo vit. Po punoj fort për këtë, dhe e di që mund t’ia dal”.

Komento:

	Komenti