Ylli argjentinas, Lionel Messi ka konfirmuar se të dielën në finale do të jetë ndeshja e tij e fundit në një botëror.

Ai në përgjigjen dhënë gazetarit të gazetës spanjolle “Marca” ka theksuar se nuk do të ketë edhe një botëror tjetër për të.

“Jam krenar që mund ta mbyll karrierën time në Kupën e Botës duke luajtur këtë finale. Ajo që po përjetoj është diçka emocionuese. Me siguri e diela do të jetë ndeshja ime e fundit në një botëror. Shpresoj ta përfundoj në mënyrën më të mirë”, ka thënë Messi.

Messi ka pesë gola e tri asistime në Katar.

Argjentina u kualifikua në finale pasi mposhti 3:0 Kroacinë.

Komento:

	Komenti