Ylli i Barcelonës, Leo Messi ka folur pas fitores së madhe të Barcelonës mbrëmë ndaj Lyonit në kuadër të Ligës së Kampionëve.

Ai ka thënë se ekipi i tij ka vuajtur deri në shënimin e golit të tretë.

“Kur ishim 2-1, ne arritëm të vuajmë, por arritëm të jemi të bashkuar dhe pas kësaj erdhi goli i tretë. Ne kishim një fillim të mirë për ndeshjen, donim të shënonim sa më shpejt që të ishte e mundur dhe ne ishim të shpejtë në lëvizjen e topit në fillim të lojës. Ia dolëm”, ka thënë Messi për Sky Italia, përcjell ORAinfo.

Ai ka folur edhe për paraqitjen e Cristiano Ronaldos ndaj Atletico Madridit.

“Ajo që bëri Ronaldo me Juventusin ishte e jashtëzakonshme. Mendova se Atletico do të vendoste më shumë forcë në fushë, por Juventusi tregoi të gjitha potencialet e tyre dhe kishte një natë magjike. Ka shumë ekipe të forta në këtë fazë të Ligës së Kampioneve: City, Juventus, por edhe Ajax që u dëshmua të jetë një skuadër kokëfortë, Liverpooli tregoi karizmin e tyre, Barcelona do të shohim se ku do të përfundojmë, kemi shumë ndeshje të vështira para nesh”, ka thënë Messi. /ORAinfo/

Komento:

	Komenti