“Jam i zemëruar”, Messi reflekton për ‘gabimin’ e penalltisë dhe flet për përballjen ndaj Australisë.

Kapiteni i Argjentinës, Lionel Messi, ishte i zemëruar me humbjen e penalltisë kundër Polonisë, por po shikon përpara pasi ende e sheh ekipin e tij të kualifikohej në 1/8-tën e Kupës së Botës “Katar 2022”.

Messi humbi një penallti në pjesën e parë, duke vendosur një rekord të padëshiruar, por pa shokët e skuadrës Alexis Mac Allister dhe Julian Alvarez të shënojnë për të kualifikuar ekipin e Lionel Scalonit në fazën eliminatore si fitues të grupeve.

Pas fitores 2-0 të Argjentinës ndaj Polonisë në Kupën e Botës ka folur edhe Messi.

“Jam i zemëruar që humba penalltinë, por skuadra doli më e fortë pas gabimit tim. E dinim që pasi goli i parë të vinte, do të ndryshonte lojën dhe ata do të hapeshin”, u ka thënë fillimisht Messi gazetarëve.

“Ndeshja e mëparshme na dha shumë qetësi dhe ne dolëm në fushë duke menduar se duhej të fitonim”.

Messi foli gjithashtu për shanset e ekipit të tij pasi kaloi me siguri në 1/8-tën e fundit si fitues i grupit.

“Ndeshja kundër Australisë do të jetë shumë e vështirë. Çdokush mund këdo, gjithçka është shumë e barabartë”.

“Ne duhet ta përgatisim ndeshjen në mënyrën më të mirë siç bëjmë gjithmonë. Duhet të jemi të qetë dhe të shkojmë ndeshje pas ndeshje. Tani fillon një Botëror tjetër dhe shpresojmë se mund të vazhdojmë të ruajmë atë që bëmë sot”, përfundoi ylli argjentinas.

Ndryshe, Argjentina është rikuperuar nga humbja tronditëse ndaj Arabisë Saudite për të përparuar si fitues i grupit dhe do të jetë favorit për të mposhtur Australinë dhe për të arritur në çerekfinale.

Albiceleste do të përballet më pas ose me Holandën ose me SHBA-në në çerekfinale në Kupës së Botës “Katar 2022”.

Komento:

	Komenti