Milani dëshiron ta blindojë portierin Maignan me kontratë afatgjatë

Milani thuhet se po përgatitet t’i ofrojë portierit Mike Maignan një zgjatje afatgjatë të kontratës, pasi bëri përshtypje mes shtyllave për kuqezinjtë që nga ardhja e tij nga Lille në vitin 2021.

Maignan ishte vendimtar në sezonin 2021/22 të Milanit ku fituan Scudetton nën drejtimin e Stefano Piolit dhe pavarësisht se humbi një pjesë të madhe të sezonit aktual për shkak të dëmtimit, ka dëshmuar vlerën e tij për ekipin që nga rikthimi i tij në muajin shkurt.

Që atëherë, 27-vjeçari ka qenë jashtëzakonisht konsistent dhe me një vlerësim mesatar prej 6.35 në 21 ndeshjet e Serie A që ka luajtur në këtë sezon, ka qenë lojtari më i vlerësuar te Milani, i ndjekur nga Sandro Tonali dhe Ismael Bennacer.

Sipas La Gazzetta dello Sport, kuqezinjtë shpresojnë ta shpërblejnë francezin me një marrëveshje të re që zgjat deri në verën e vitit 2028, e cila do të ishte kontrata më e gjatë në klub.

Marrëveshja e re e Maignan do të vijë gjithashtu me një rritje të madhe në pagën e tij vjetore, e cila pritet të rritet me të paktën 30 për qind nga 2.8 milionë në sezon që ai fiton aktualisht në rreth katër milionë euro.

Pas përfundimit zyrtar të sezonit, Milani është gati të fillojë negociatat me përfaqësuesit e lojtarit dhe të konfirmojnë rinovimin e kontratës.

Komento:

	Komenti