Conte poshtëron Eriksen: Milani mund t’i japë hakmarrjen e madhe.

Milani po mendon për një goditje të madhe për merkaton e janarit. Renditja sigurisht që do të ndikojë në gatishmërinë e Elliott për të investuar apo jo.

Një blerje për të ndihmuar Piolin të fitojë më në fund vendin e katërt ose edhe më tej, për të shkuar deri te Scudetto – një fjalë që nuk duan të përmendin në kampin kuqezi, pasi do të jetë vetëm koha për ta vendosur.

Maldini hedh një vështrim në shtëpinë e Real Madridit të mikut të tij Florentino Perez: Isco është një ëndërr, e vështirë për t’u arritur.

Ai ka vendosur të largohet nga Blancos dhe po shikon përreth. Kuqezinjtë kanë shumë pak shanse: një e ardhme në Premier League është shumë më e mundshme.

Kështu që Milani mendon për alternativa dhe javët e fundit është shfaqur një ide tjetër e bujshme: Christian Eriksen.

Raporti i danezit me Interin tani është prishur totalisht dhe mbrëmë mbërriti një sinjal tjetër nga Antonio Conte se danezi nuk është më pjesë e projektit të tij teknik.

Lamtumira në dimër po bëhet gjithnjë e më e sigurtë.

Interi humbi 2-0 në San Siro nga Real Madrid mbrëmë. Një humbje që vë në pikëpyetje kualifikimin për në raundin e 16 të turneut.

Pesë minuta nga fundi, kur ndeshja kishte përfunduar praktikisht (Interi ishte me dhjetë lojtarë që në pjesën e parë) Conte dërgoi Eriksen në fushë në vend të Lukaku.

Një zëvendësim i pakuptimtë, gati si për ta poshtëruar.

Ish-lojtari i Tottenham hyri në fushë profesionalisht, por është i vetëdijshëm se marrëdhënia e tij me Inter tani është e kompromentuar.

E ardhmja është gjithnjë e më e largët, por ndoshta jo nga Milano.

Milani mund t’i japë atij shansin për hakmarrjen e madhe, një mundësi për të treguar vlerat.

Eriksen është një lojtar shumë i fortë, i një cilësie të jashtëzakonshme: në një sistem taktik si ai i Piolit, i cili tenton të përmirësojë teknikën, danezi mund të kthehet me të vërtetë në nivelet e Tottenham.

Tek kuqezinjtë ai do të gjente Simon Kjaer, një mik dhe bashkëlojtar i ekipit kombëtar, përveç vendin e titullarit dhe të gjitha kushteve të mundshme për të bërë mirë.

Javët e fundit, pikërisht në lidhje me këtë mundësi, dikush kishte hipotezuar shkëmbimin me Hakan Calhanoglu.

Turku, për nga karakteristikat, mund të lartësohet në sistemin e lojës së Conte, i cili preferon sasinë sesa cilësinë.

Hakan ka shumë teknikë, por vitet e fundit ai ka bërë përshtypje në Milano edhe për predispozicionin e tij për të sakrifikuar dhe për të vrapuar.

Pioli përpiqet të luajë futboll dhe prandaj Eriksen do të përshtatej në mënyrë perfekte.

Sidoqoftë, duhet kuptuar nëse Interi është i gatshëm të pranojë këtë lloj operacioni – ndoshta me shtimin e një vlere ekonomike nga kuqezinjtë.

Si gjithmonë, pengesa përfaqësohet nga rroga. Eriksen fiton shumë, shumë për arkat e Milanit.

Ai duhet të ulë kërkesat dhe të plotësojë disponueshmërinë e Elliott.

Kush, siç e dimë tani, nuk ka ndërmend të paguajë më shumë lojtarët, përveç nëse ata quhen Zlatan Ibrahimovic.

Kjo është gjithashtu një nga arsyet e ndërprerjes me Calhanoglu, i cili kërkoi 7 milion euro për të rinovuar.

Çështja e pagës është e vetmja pengesë e vërtetë. Gjithçka është në dorën e Eriksen tani!

Komento:

	Komenti