Objektivi i Milanit, Abdou Diallo nuk do të udhëtojë në Japoni me pjesën tjetër të skuadrës së Paris Saint Germain për turneun e tyre parasezonal.

Siç është raportuar nga Le Parisien në Francë, mbrojtësi senegalez do të qëndrojë në Paris dhe do të përpiqet të gjejë një klub të ri sa më shpejt të jetë e mundur.

Vendimi u mor nga lojtari dhe drejtori sportiv i PSG-së, Luis Campos, i cili qartazi ndihet i hapur për të lënë Diallo të largohet nga klubi këtë verë për sa kohë që është për çmimin e duhur, përcjell ORAinfo.

Milani është një nga skuadrat që janë të interesuara për nënshkrimin e 26-vjeçarit, i cili dikur ishte pjesë e skuadrës së Borussia Dortmundit.

Megjithatë, çmimi mund të jetë shumë i madh pasi kuqezinjtë nuk duan të shpenzojnë më shumë se 20 milionë euro për mbrojtësin.

Milani me siguri ka nevojë për më shumë thellësi mbrojtëse edhe pse pas largimit të Alessio Romagnolit. /ORAinfo/

Komento:

	Komenti