Pioli bën gati valixhet, Maldini ka gjetur trajnerin e ri.
Lajm i bujshëm nga Italia, Stefano Pioli largohet nga Milani.
Milan sot është turpëruar në San Siro duke u mposhtur nga Sassuolo me rezultat 2-5.
Rosonerët e kanë nisur vitin 2023 në mënyrë katastrofale duke marrë vetëm një fitore në 7 ndeshje të luajtura.
Skuadra e Piolit ka pranuar 9 gola në dy ndeshjet e fundit dhe kjo është hera e parë në historinë e klubit që skuadra ka pësuar më tepër se katër gola në dy ndeshje rradhazi.
Rezultatet e dobëta janë të pa tolerueshme për drejtuesit dhe Rosonerët janë duke konsideruar shkarikimin e Piolit në fund të sezonit.
Calcio Mercato, ka lëshuar një lajm bombastik duke shkruar se Milan e ka piketuar zëvendësuesin e Piolit.
Sipas Calcio Mercato, në rast se Pioli largohet, drejtimin e skuadrës do ta merr trajneri aktual i Monzas, Raffaele Palladino.
Palladino po bën një punë të mirë te Monza e cila mbrëmë e mposhti Juventusin me rezultat 2-0.
Monza renditet në pozitën e 11-të në Serie A me 25 pikë të arkëtuara, 2 më pak se vendi i 8-të që siguron kualifikimin në Europa League.
3 °C
