AC Milan, po mendon të shesë Ante Rebic në fund të sezonit raporton Tuttosport.Kroati ka kontratë deri në vitin 2025.

Trajneri Stefano Pioli kishte planifikuar të vendoste një skuadër më sulmuese sesa ajo që u pa në derbi.

Si Rafael Leao ashtu edhe Ante Rebic duhej të fillonin nga minuta e parë në krahë, por sërish kroati u la jashtë për shkak të problemeve fizike, përcjell ORAinfo.

Gjatë gjithë karrierës së tij, Rebic në San Siro nuk ka kontribuar kurrë më pak se në sezonin aktual. Anësori i majtë 28-vjeçar ka shënuar 2 gola dhe ka dhënë 2 asistime në 15 paraqitje deri më tani.

Një dëmtim i kyçit të këmbës dhe një këputje muskulore e kanë detyruar të anashkalojë disa ndeshje.

Kuqezinjtë nuk janë aspak të kënaqur me situatën e yllit kroat. Lëndimet e fundit dhe luhatjet që nga ardhja e tij në San Siro e kanë bërë AC Milan të rishikojë të ardhmen e Ante Rebic raporton Tuttosport. Rebic ka kohë deri në fund të sezonit për të shpëtuar karrierën e tij në AC Milan sipas gazetës italiane.

Rafael Leao ka qenë një interpretues i spikatur këtë sezon. Talenti portugez më në fund po shfaq potencialin e tij të plotë dhe është gati të zgjasë kontratën me kuqezinjtë deri në vitin 2027. Leao nuk është më e ardhmja e Milanit, por edhe e tashmja. Kështu Rebic rrezikon të ketë një rol margjinal me rihyrjen e tij.

AC Milan bleu Rebic nga Eintracht Frankfurt si pjesë e një marrëveshje shkëmbimi që përfshin Andre Silva. Reprezentuesi kroat ka bërë 79 paraqitje deri më tani, duke shënuar 25 gola dhe duke asistuar 17. Kur është në formë të mirë, 28-vjeçari ka dëshmuar se është një forcë që duhet llogaritur në sulm./ORAinfo/

Komento:

	Komenti