Trajneri i Milanit, Stefano Pioli ka identifikuar objektivin e tij mbrojtës numër një përpara afatit kalimtar të verës.

Nuk është sekret se kuqezinjtë janë në treg për një partner afatgjatë për kapitenin Alessio Romagnoli, dhe Milenkovic është një emër që vazhdon të lidhet.

Sipas Tuttosport, e ardhmja e Mateo Musacchio është gjithnjë e më e pasigurt, si dhe pozicioni i Leo Duarte, i cili nuk e ka bindur plotësisht, ndërsa vlerësimet duhet të bëhen edhe për Gabbia, përcjell ORAinfo.

Me pak fjalë, Milano ka nevojë për të paktën një përforcim dhe njeriu kryesues i listës është Nikola Milenkovic i Fiorentina, një lojtar që Pioli e njeh mirë duke e stërvitur në Firence.

La Viola po kërkon 30 milionë euro, dhe të dy palët kanë folur tashmë për lojtarin gjatë një takimi të zhvilluar në fillim të javës.

Agjenti i tij Fali Ramadani ishte i pranishëm, dhe Milani dhe Fiorentina do të takohen përsëri në fund të sezonit. Milenkoviç mund të jetë pjesë e një operacioni më të madh, i cili gjithashtu përfshin Rebic.

Ka edhe profile të tjera në shqyrtim. Milani gjithashtu pëlqen Wesley Fofana të Saint-Etienne dhe Jean-Claire Todibo të Barcelona, i cili duhet të kthehet në Spanjë. /ORAinfo/

Komento:

	Komenti