AC Milan dhe Liverpool janë në gatishmëri për të transferuar yllin francez, Nabil Fekir.

Presidenti i Lyonit Jean Michel Aulas ka thënë se Fekir mund të largohet nga ekipi francez gjatë verës.

“Ne jemi krenar që kemi një kampion botëror në ekipin tonë, ai ka një klauzolë lirimi dhe kontrata e tij skadon brenda një viti”, ka thënë Aulas. Ai ka thënë se Milan dhe Liverpool kanë shprehur interesim për lojtarin, përcjell ORAinfo.

Ndërsa ka zbuluar se çmimi i lojtarit ka pësuar ndyshim nga sezoni i kaluar.

“Një vit më parë çmimi i tij i çmimit ishte 60 milionë euro dhe këtë sezon çmimi nuk mund të jetë i njëjtë, po flasim me klubet e tjera, por nuk do të zbuloj detajet. Ne po flasim me njerëz që nuk janë me nxitim për të mbyllur marrëveshjen, sepse ata duan të bëjnë gjëra siç duhet. Ne nuk kemi nevojë për paratë dhe nëse nuk marrim ofertën e duhur, mund ta mbajmë atë”, ka thënë tutje Aulas.

25 vjeçari Nabil Fekir, arriti 12 gola dhe 9 asiste në 39 paraqitje në të gjitha garat me gjigantët e Ligue 1 në fushatën 2018/19.

Milan është i interesuar ta nënshkruajë atë dhe sipas raporteve në Itali, Suso mund të përfshihet në një marrëveshje për shkëmbimin e lojtarëve plus para cash. /ORAinfo/

Komento:

	Komenti