Leeds United është shumë afër arritjes së një marrëveshjeje për sulmuesin e Paris Saint Germain, Arnaud Kalimuendo, i cili mund t’i përjashtojë ata nga ndjekja për objektivin e Milanit, Charles De Ketelaere.

Siç është raportuar nga The Daily Express në Mbretërinë e Bashkuar, skuadra e Premierligës ka më shumë gjasa të nënshkruajë me Kalimuendo nga PSG sesa me De Ketelaere nga Club Brugge.

Ky mund të konsiderohet si një lajm i mirë për Milanin që është në kërkim të De Ketelaere, megjithëse marrëveshja ka filluar të duket sikur është në rrezik serioz gjithsesi, përcjell ORAinfo.

Milani ka refuzuar të shkojë më shumë se oferta e tyre e fundit prej 30 milionë euro dhe 2 milionë euro bonuse, por kampionët belg janë të bindur se u duhen 35 milionë euro për të lejuar të riun të bëjë lëvizjen.

Ditët e reja do të jenë të rëndësishme për marrëveshjen dhe Milani tashmë ka filluar të bëjë disa plane të tjera. /ORAinfo/

Komento:

	Komenti