Alessandro Florenzi erdhi të Milan si huazim nga Roma me mundësi blerje.
Ai me paraqitjet e tij ka arritur t’i binë drejtuesit kuq e zi për ta mbajtur edhe për një sezonë në ‘San Siro’.
Mbrojtësi i djathtë me përvojë ka bërë 24 paraqitje për kuqezinjtë këtë sezon dhe gjithashtu ka gjetur rrjetën një herë.
Ishte një gol i bukur nga gjuajtja e lirë kundër Empolit dhe duhet thënë se paraqitjet e tij kanë qenë shumë solide, përcjell ORAinfo.
Sipas MilanLive, Milani është gjithnjë e më i bindur se mbajtja e Florenzit edhe për një sezon është lëvizja e duhur, veçanërisht pasi Davide Calabria mbetet zgjedhja e parë.
Për të shpenguar italianin, kuqezinjtë duhet t’i paguajnë vetëm 4.5 milionë euro Romës.
Nuk duhet përjashtuar një zbritje, aq më tepër që Florenzi nuk është pjesë e planeve të Romës për të ardhmen dhe pas pak ditësh mbush 31 vjeç.
Do të ishte një nënshkrim i mirë edhe pa zbritjen, duke pasur parasysh atë që kemi parë këtë sezon nga lojtari italina. /ORAinfo/