Mike Maignan vazhdon të dëshmojë se është një nga pikat më të rëndësishme të Francës dhe Milanit. Portieri francez zhvilloi një tjetër paraqitje të madhe, duke mbajtur ekipin e tij në lojë në një sfidë ku “Les Bleus” pritej të dominonin.

Maignan ishte vendimtar në disa momente të takimit, ndërsa pritja e tij ndaj Arda Gulerit ishte padyshim një nga momentet më spektakolare të ndeshjes. Reagimi i shpejtë i portierit francez i mohoi turkut një gol të sigurt dhe tërhoqi vëmendjen e tifozëve në rrjetet sociale, përcjell ORAinfo.

Paraqitja e Maignan u vlerësua edhe nga mediat franceze. L’Equipe, Eurosport dhe RMC Sport e zgjodhën atë si lojtarin e ndeshjes, duke konfirmuar ndikimin e tij në rezultatin e Francës.

Pas një fillimi të vështirë të vitit 2026, Maignan duket se është rikthyer në formën e tij më të mirë. Për Francën, ai pritet të jetë një figurë e rëndësishme në projektin e ri të Zinedine Zidane, ndërsa edhe te Milani vazhdon të konsiderohet një element kyç.

Me kontratë afatgjatë në klubin kuqezi, Milani mund të llogarisë edhe për vitet e ardhshme te një Maignan që po rikthen shkëlqimin mes shtyllave. /ORAinfo/

Komento:

	Komenti