Milani është gjithmonë aktiv në kërkimin e lojtarëve të rinj që mund të jenë të dobishëm për skuadrën e Stefano Piolit në të ardhmen. Kuqezinjtë kanë qenë prej kohësh një nga klubet më të vëmendshëm ndaj menaxhimit të talenteve të tyre.
Milani shpesh di të peshkojë mirë jashtë vendit, siç tregohet në vitet e fundit nga ardhjet e lojtarëve gjysmë të panjohur si Saelemaekers, Kalulu apo Hauge. Por vëzhguesit janë aktivë edhe në futbollin italian…
Profili i fundit për të cilin klubi kuqezi u interesua është te Genoa. Është një talent që vjen nga fidanishtja e ekipit ligurian, i cili po ecën mirë në kampionatin e tij të parë në Serie A.
Talenti në fjalë është Andrea Cambiaso. Ai është një mbrojtës krahu shumë fleksibël dhe dinamik, i cili siç u përmend, luan te Genoa dhe po gjen hapësira me një vazhdimësi të madhe.
Lojtari pushtoi hapësirën nën drejtimin e trajnerit Davide Ballardini, i cili e vendoste shpesh edhe në anën e kundërt, duke e shpërblyer aftësinë e tij për të sakrifikuar veten edhe jashtë pozicionit.
Tani do të jetë interesante të shihet nëse Cambiaso do të jetë i dobishëm dhe do të konsiderohet gjithashtu titullar nga trajneri i ri i Genoas, ish-ylli i Milanit, Andriy Shevchenko.
Ndërkohë, Milani vëzhgon 21-vjeçarin gjenovez, i cili mund të jetë i dobishëm në të ardhmen si një fuqizim në mbrojtje.
Megjithatë, Cambiaso nuk pëlqehet vetëm nga Milani: siç raporton gazetari Niccolò Ceccarini, së fundmi për këtë lojtar interesant janë zhvendosur edhe Juventusi dhe Fiorentina. Vlera e tij në treg është aktualisht rreth 5 milionë euro
4 °C
