Liga e Kampionëve: Milan pret Chelsean në ‘San Siro’, PSG synon fitoren ndaj Benfica.

Sonte vazhdon kompeticioni më prestigjioz evropian në futbollin për klube, Liga e Kampionëve.

Champions League vazhdon me tetë ndeshje tejet interesante, me Milan – Chelsea që merr vëmendjen e madhe, shkruan lajmi.net.

Skuadra e Milan luan sonte si nikoqire e Chelsea, një javë pasi u mposht në ‘Stamford Bridge’.

‘Rossoneri’ dhe ‘Blutë’ luajnë këtë përballje gati sikur për të vendosur pozitën e parë të grupit të tyre.

Ndeshje interesante pritet të jetë edhe ajo mes PSG dhe Benfica, e cila javën e kaluar u mbyll baras.

Këtë radhë, parisienët me mungesa, por në shtëpinë e tyre, kërkojnë të marrin tri pikët.

Ndeshjet tjera që luhen sonte janë Dinamo Zagreb – Salzburg, Celtic – Leipzig, Shakhtar Donetsk – Real Madrid, Copenhagen – Man City, Borussia Dortmund – Sevilla dhe Maccabi Haifa – Juventus.

Komento:

	Komenti