Ismael Bennacer ishte një lojtar kryesor për Milan verën e kaluar dhe ka vazhduar të performojë mirë në fillim të këtij.

Gjatë verës, kishte shumë thashetheme për largimin e lojtarit, por algjeriani mbeti në klub.

Stefano Pioli, menaxheri i Rossonerëve, ka besim të madh te Bennacer dhe ky i fundit është një startues i padiskutueshëm në ekip.

Pavarësisht ardhjes së Sandro Tonali, 22-vjeçari është në qendër të projektit, përcjell ORAinfo.

Siç raportohet nga Calciomercato, Paris Saint-Germain iu afrua Milanit disa herë këtë verë dhe madje bëri disa oferta. Sidoqoftë, Paolo Maldini e bëri të qartë se një shitje nuk ishte në letra, duke dashur ta mbante lojtarin.

Ekziston një klauzolë lirimi, siç është raportuar më parë, e cila është e vlefshme vetëm për klubet e huaja.

Man City është gjithashtu i interesuar, por Rossonerët duan të mbajnë Bennacer dhe vetë lojtari dëshiron të qëndrojë dhe të vazhdojë rritjen e tij në klub. /ORAinfo/

Komento:

	Komenti