Pasi siguroi ardhjen e Malick Thiaw për mbrojtjen, Milan tani do të jetë në gjendje të fokusohet vetëm në mesfushë. Me ta janë lidhur disa emra por duket se lista e dëshirave është ngushtuar në dy.

Kuqezinjtë kanë nevojë për një mesfushor për të kompensuar largimin e Franck Kessie, i cili iu bashkua Barcelonës si një transferim i lirë.

Tommaso Pobega bëri mirë kur hyri mbrëmë, por ai ka karakteristika paksa të ndryshme.

Sipas Tuttosport (nëpërmjet MilanNews), ka dy emra në veçanti në listën e dëshirave të Milanit: Joao Gomes (Flamengo) dhe Aster Vranckx (Wolfsburg), përcjell ORAinfo.

Kuqezinjtë i pëlqejnë më shumë të parët, por çmimi është pak më i lartë se sa mendonin.

Sa i përket Vranckx-it, një lëvizje duket e mundshme, por Atalanta gjithashtu po monitoron situatën. Një gjë është e sigurt: Milani do të jetë në gjendje të fokusohet vetëm në mesfushë në atë që mbetet nga dritarja e transferimeve. /ORAinfo/

Komento:

	Komenti