Maldini tenton goditjen e madhe nga Real Madrid! “Parakalon” Juventusin.

Merkato e janarit po afrohet gjithnjë e më shumë. Milani është i pari në renditje dhe ka dëshirë për të forcuar ekipin që të përpiqet të ruajë një pozitë të lartë.

Mund të ketë pak përpjekje, por si gjithmonë do të kërkohet marrëveshje me kosto të ulët apo edhe me kosto zero.

Dhe nuk ka mungesë të mundësive. Mund të mbërrijë edhe një lojtar i lartë, në të cilin Juventus kishte lëvizur paraprakisht, por Paolo Maldini duket se e ka kapërcyer atë: Isco mund të vishet kuqezi!

Sipas Todofichajes, Milan ka hyrë në garë për Isco me bindje dhe Maldini mund të tentojë, sidomos nëse Calhanoglu nuk do të rinovonte.

Skuadra më e afërt duket të jetë Everton, por padyshim që do të ketë shumë konkurrencë për të arritur akordin me Real Madrid.

Zinedine Zidane praktikisht e ka nxjerrë jashtë planeve dhe prandaj lamtumira e tij duhet të arrijë në janar, madje edhe si huazim.

Juventus tashmë ishte përpjekur në seancën e fundit, por tani Milani mund të përfitojë, me Maldinin të interesuar të mbyllë huazimin.

Do të ishte një përforcim i përvojës dhe kjo mund të forconte siç duhet ekipin e Stefano Pioli, i cili luan me 4-2-3-1 dhe për këtë arsye Isco mund të vazhdojë të zërë dy nga tre rolet në vijën e frontit.

Marrëdhëniet me Realin janë të shkëlqyera, tashmë flitet për blerjen e Brahim dhe prandaj Isco mund të jetë pjesë e diskutimeve.

Për Milanin mund të jetë gjithashtu një provë në funksion të vitit të ardhshëm, nëse Hakan Calhanoglu nuk rinovon.

Komento:

	Komenti