Ante Rebic, është njëri nga futbollistët më të rëndësishme të skuadrës së Stefano Piolit në AC Milan dhe numrat e tij e dëshmojnë këtë.

Sidoqoftë, më shumë qëndrueshmëri do të nevojitet në një sezon që do ta shohë klubin të kthehet në Ligën e Kampionëve.

Siç raportohet nga Milannews.it, anësori kroat regjistroi 0.62 gola çdo 90 minuta. Objektivisht një numër mjaft i ulët, por në kontekstin e Serie A, kjo e vendos Rebicin në vendin e pestë vetëm pas sulmuesve Muriel (1.08), Ronaldo (0.66), Zapata dhe Ibrahimovic (të dy 0.63),përcjell ORAinfo.

Ky numër pasqyron mprehtësinë e madhe të lojtarit, por në të njëjtën kohë fsheh një mospërputhje të madhe, e cila është veçanërisht e dukshme në pjesën e parë të sezonit.

Përveç kësaj, Rebic ka arritur shifra dyshifrore në secilin prej dy sezoneve të fundit, duke shënuar 22 gola. Objektivi i tij për sezonin e ardhshëm duhet të jetë konfirmimi i këtij trendi dhe shtimi i më shumë vazhdimësisë në lojën e tij.

Për ta bërë këtë, kroatit do t’i duhet të tregojë pjekuri dhe vendosmëri, për tërësinë e sezonit. Në këtë kuptim, Zlatan Ibrahimovic dhe Olivier Giroud mund të jenë një ndihmë e madhe për sulmuesin, veçanërisht në aspektin e mentalitetit.

Një qëllim tjetër për Rebic do të jetë përmirësimi i mëtejshëm në asistimet. Në 2019-2020 kroati regjistroi 3 asistime, sezonin e kaluar ishte 7, por do të ishte e dëshirueshme që ai të afrohej me dyshifra edhe në këtë aspekt./ORAinfo/

Komento:

	Komenti