Aventura e Stefano Piolit në krye të Milanit duket se do të përfundojë në fund të sezonit aktual.

Rezultatet zhgënjyese kanë bindur pronarët e kuqezinjve të ndryshojnë në fundin e sezonit.

Jashtë Champions League dhe jashtë Kupës së Italisë, me Interin kryesues 9 pikë larg pas fazës së parë të Serisë A: Sezoni i Milanit deri tani nuk ka qenë i kënaqshëm dhe gjithçka po çon drejt një divorci në verë pas katër vitesh.

Drejtuesit e Djallit janë në kërkim të një zëvendësuesi dhe sipas ‘Tuttosport’ ata kanë identifikuar Thiago Motta-n si kandidatin ideal për të pasuar Piolin.

Italiano-braziliani, i cili po shkëlqen në krye të Bolognas, duket se preferohet para Contes: ai është një trajner në zhvillim dhe i përshtatshëm për skemën 4-3-3 të përdorur në mënyrë të vazhdueshme nga Milani në fushë.

Ndërsa Conte, përveç formacionit dhe mbrojtjes me tre lojtarë, do të rëndonte shumë në arkat e klubit për shkak të pagës shumë të lartë.

Kështu që Motta (i cili ende nuk e ka rinovuar kontratën e tij që skadon me Bologna) ka parakaluar Conten dhe gjithashtu mund të merrte Zirkzee në Milano, një xhevahir i Bolognas që ndiqet nga drejtuesit e Milanit.

Komento:

	Komenti