Drejtorët e Milan, Paolo Maldini dhe Ricky Massara po vazhdojnë të punojnë për të përmirësuar një skuadër të cilës i mungon cilësia në repartin sulmues.

Sipas Tuttosport, drejtuesit po mendojnë të nënshkruajnë me tre emra për të përforcuar skuadrën: Charles De Ketelaere i Club Brugge, Hakim Ziyech i Chelsea dhe Renato Sanches i Lille, përcjell ORAinfo.

De Ketelaere nuk u shfaq në miqësoren e parë për Brugge kundër Kopenhagës dje, ndërsa Noa Lang – i cili gjithashtu është lidhur me Milanin – luajti.

Sipas gazetës, arsyeja pas kësaj është mundësia e një lëvizjeje, sepse playmaker i tha po Milanit dhe po pret që klubet të gjejnë një marrëveshje.

Ziyech po kërkon gjithashtu strehim të ri, por ai u nis për turneun parasezonal në SHBA me Chelsean.
Milani nuk po dorëzohet dhe dëshiron të merret drejtpërdrejt me lojtarin dhe avokatët e tij pas ndarjes me ish-agjentin e tij.

Së fundmi, Renato Sanches është një lojtar që Maldini dhe Massara e duan shumë dhe tashmë kanë një marrëveshje me Lille, por nuk po e vlerësojnë shtytjen e javëve të fundit. Lojtari është në pritje të PSG-së dhe me agjentin e tij Jorge Mendes, vazhdon të shpresojë për më shumë para në kryeqytetin francez. /ORAinfo/

Komento:

	Komenti