Elliott Management mund ta ketë shitur AC Milanin zyrtarisht te RedBird, por shtatori do të jetë një muaj i rëndësishëm për shkak të dy betejave ligjore, pretendon një raport.

Calciomercato raporton se ka pasur dy padi të hapura në gjykatë nga të dy Yonghong Li nga i cili Elliott fitoi klubin në 2019 dhe Blue Skye i cili u bë aksionar i pakicës në klub, përcjell ORAinfo.

Seanca e parë është caktuar në prag të mbledhjes së aksionerëve të Milanit që do të mbahet më 14 shtator. Kërkesa e Blue Skye për të bllokuar shitjen ndaj RedBird do të shqyrtohet në Gjykatën e Milanos, ndërsa padi të tjera kanë filluar gjithashtu në Luksemburg dhe Nju Jork, sepse Blue Skye besojnë se shitja ndaj RedBird është bërë ‘me keqdashje dhe mashtrim’ për të shkelur të drejtat të aksionerit të pakicës.

Seanca dëgjimore në Luksemburg në të cilën do të shqyrtohet kërkesa e Yonghong Li është shtyrë për 27 shtator.
Ish-presidenti i kuqezinjve kërkoi dhe mori sekuestrimin paraprak prej 364 milionë euro nga fondi si diferencë midis vlerës reale të Milanit në kohën kur Elliott merrte kontrollin e klubit dhe shumës së borxhit. Kjo shifër u ngri nga gjykata dhe Elliott e ka apeluar këtë vendim./ORAinfo/

Komento:

	Komenti