Planet e miliarderit francez, Bernard Arnault, për të blerë klubin e madh italian, Milan, mbesin në rrugën e duhur.

Sipas mediumit Il Giornale, kryeshefi i kompanisë Louis Vitton është i bindur të përfundojë blerjen e Milanit nga Elliott Management gjatë 12 muajve të ardhshëm.

Dhe francezi tashmë po harton plane ambicioze për të njoftuar ardhjen e tij në botën e futbollit.

Arnault synon të arrijë një marrëveshje të bujshme për sulmuesin e Paris Saint-Germain, Kylian Mbappe.

Miliarderi francez e sheh nënshkrimin e Mbappes si një mesazh të fortë për pjesën tjetër të botës se Milani ‘është kthyer’.

Por, ai nuk do të ndalet këtu, pasi Arnault ka identifikuar menaxherin e Manchester Cityt, Pep Guardiola, si trajnerin që do ta drejtoj ekipin.

Arnault vlerësohet si njeriu i tretë më i pasur në botë me një vlerë neto prej 113.1 miliardë dollarësh.

Komento:

	Komenti