Ministri i Infrastrukturës, Liburn Aliu, ka falenderuar presidenten Osmani në lidhje me heqjen e vizave nga Emiratet e Bashkuara Arabe për Kosovën.

“Shprehim falënderimin tonë ndaj Presidentes Vjosa Osmani-Sadriu, e cila, gjatë takimit me Lartëmadhërinë e tij, Presidentin e Emirateve, Sheikh Mohamed bin Zayed Al Nahyan, ka paraqitur propozimin për heqjen e vizave për qytetarët e Kosovës, dhe ky propozim tashmë është jetësuar.”

Ai ka shprehur mirënjohje edhe për Emiratet për mbështetjen e ofruar.

“Po ashtu, shprehim mirënjohjen tonë ndaj Emirateve të Bashkuara Arabe për mbështetjen e vazhdueshme të ofruar, për bashkëpunimin e tyre në kuadër të COP28 dhe për identifikimin e projekteve të mëdha të përbashkëta, duke synuar thellimin e bashkëpunimit tonë edhe më tej.”

Komento:

	Komenti