Ministri Bytyqi ngushëllon familjen e akademik Idriz Ajetit – Ora Info Ballina | ORAinfo.com - Nuk ndalet

Ministri Bytyqi ngushëllon familjen e akademik Idriz Ajetit

09:44 | 13 Shkurt 2019

Në moshën 102 vjeçare ka ndërruar jetë akademiku kosovar, Idriz Ajeti.

Ky lajm e ka pikëlluar ministrin e Ministrisë së Arsimit, Shkencës dhe Teknologjisë, Shyqiri Bytyqi.
Ai ka ngushëlluar familjen Ajeti me rastin e vdekjes së akademikut, Idriz Ajeti.

Bytyqi, përmes një telegram ngushëllimi ka kujtuar akademikun Ajeti duke e cilësuar atë si një nga emrat më të mëdhenj të arsimit dhe të shkencës.

“Me pikëllim të thellë morëm lajmin për ndarjen nga jeta të akademik Idriz Ajetit. Familja Ajeti sot ka humbur më të dashurin e tyre, por Kosova humbi një nga emrat më të mëdhenj të arsimit dhe të shkencës. Emri i akademik Ajetit do të mbetet një nga emrat më të mëdhenj të gjuhës shqipe dhe të kulturës shqiptare, një nga emrat më të mëdhenj të rrugëtimit të popullit tonë drejt lirisë dhe të promovimit të vlerave të mirëfillta të popullit tonë në botë. Puna e palodhshme dhe virtytet njerëzore të akademik Ajetit, i kanë bërë vend të rëndësishëm figurës së tij në historinë e popullit shqiptar. Ju lutem që në emër të Ministrisë së Arsimit, Shkencës dhe Teknologjisë, të pranoni ngushëllimet më të sinqerta, ju familjarë të akademik Ajetit, miq e bashkëpunëtorë!” shkruan në telegram ministri i arsimit Shyqiri Bytyqi.

Komento: