Ministri i Administrimit të Pushtetit Lokal, Elbert Krasniqi ka thënë se Kosova është kandidate serioze për organizimin e Lojërave Mesdhetare 2030.

Ministri Krasniqi ka thënë se si qeveri janë duke punuar që në vendin tonë të organizohen Lojërat Mesdhetare 2030.

“Bashkë me Kryeministrin Kurti dhe kolegët nga kabineti pritëm në takim Komisionin vlerësues të Komitetit Ndërkombëtar të Lojërave Mesdhetare, kryesuar nga presidenti Julian Pace Bonello, dhe të përcjellur nga sekretari i përgjithshëm i ICMG-së, Iakovos Filippousis. Ata pritet të bëjnë vlerësim të gjendjes dhe zhvillojnë takime me zyrtarë të nivelit të lartë institucionalë për ta konfirmuar mbështetjen e tyre për organizim”, ka shkruar ministri Krasniqi.

Sipas tij, kjo ngjarje e rëndësishme do të organizohet në Komunat më të mëdha, të cilat do të jenë nikoqire të shumë sportistëve, tifozëve dhe zyrtarëve nga mbarë bota.

Komento:

	Komenti