Ministri i Shëndetësisë i Republikës së Kosovës, Rifat Latifi, ka takuar sot ushtruesen e detyrës së Drejtorit të Përgjithshëm të Shërbimit Spitalor Universitar të Kosovës Pranvera Zejnullahu-Raçi.
Sipas MSh’së, ministri Latifi i ofroi Zejnullahu-Raçi mbështetje në menaxhimin e SHSKUK-së, me qëllim përmirësimin e shërbimeve ndaj pacientëve.
“Zejnullahu-Raçi, e falënderoi ministrin Latifi për vizitën dhe bisedën, duke shpresuar se me përpjekje të përbashkëta mund të bëhet ndryshimi i gjendjes aktuale dhe përmirësimi i shërbimeve të kujdesit shëndetësor për qytetarët”, thuhet në komunikatën e MSH-së.