Ministri serb thotë pas tarifës 100 për qind kemi 260 milionë euro më pak mallra në Kosovë – Ora Info Ballina | ORAinfo.com - Nuk ndalet
Lajmet e fundit
0 °C

Ministri serb thotë pas tarifës 100 për qind kemi 260 milionë euro më pak mallra në Kosovë

14:49 | 23 Korrik 2019

Rasim Lajiq thotë se pas tarifës 100 për qind kemi 260 milionë euro më pak mallra në Kosovë.

Ministri serb i Tregtisë, Turizmit dhe Telekomunikacionit, Rasim Lajiq, tha se Serbia ka plasuar 260 milionë euro më pak mallra në Kosovë gjatë tetë muajve pas vendosjes së tarifës 100 për qind.

Lajiq shton se dëmi nga kjo tarifë është shumë i lartë për Serbinë.

“Dëmi përfundimtar në çdo rast do të jetë shumë më i lartë. Kur të hiqet tarifa, kompanive tona do t’iu nevojitet shumë kohë për t’u kthyer në këtë treg, pasi konkurrenca rajonale është pozicionuar sapo i erdhi mundësia për këtë”, tha Lajiq për Tanjug.

Sipas tij, përparimi më i madh u arrit nga Greqia, e cila në maj i rriti eksportet në Kosovë pothuajse 3.5 herë, Hungaria, Sllovenia, Bullgaria dhe Kroacia për dy herë dhe Maqedonia me rreth 50 për qind.

Kujtojmë se Qeveria e Kosovës kishte marr vendim më 21 nëntor që t’iu vihet taksa prej 100 për qind të gjitha produkteve serbe dhe boshnjake që vijnë në vendin tonë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!