Ministria e Arsimit publikon datën e mbajtjes së testit të Maturës Shtetërore – Ora Info Ballina | ORAinfo.com - Nuk ndalet

Ministria e Arsimit publikon datën e mbajtjes së testit të Maturës Shtetërore

12:18 | 21 Maj 2019

Është publikuar data kur do të mbahet testi i Maturës Shtetërore.

Ministri i Arsimit, Shkencës dhe Teknologjisë, Shyqiri Bytyqi ka marrë vendim për caktimin e datave të mbajtjes së provimit të Maturës Shtetërore 2019, në afatin e qershorit.

Siç njofton komunikata për media nga MAShT-i, sipas këtij vendimi, maturantët do ti nënshtrohen pjesës së parë të provimit të maturës nga data 12.06.2019 deri më 15.06.2019, ndërsa pjesa e dytë e provimit do të mbahet nga data 19.06.2019 deri më 22.06.2019.

Provimi i Maturës Shtetërore do të mbahet në katër lëndë, tri lëndë obligative dhe një lëndë me zgjedhje.

Tërheqja publike e shortit për renditjen e mbajtjes së testit nëpër regjione bëhet më 6 qershor 2019.

Komento: