Ministrja Nagavci tregon se si do të vazhdojë mësimi në shkollat e Kosovës

13:43 | 11 Qershor 2021

Nagavci: Mësimi vazhdon sipas skenarëve e rekomandimeve të IKShPK-së.

Ministrja e Arsimit, Shkencës, Teknologjisë dhe Inovacionit, Arbërie Nagavci, ka mbajtur konferencë për medie, ku ka folur për punën që është bërë në MAShTI prej kohës që ka marrë detyrën si ministre.

Nagavci ka thënë se të gjitha temat që kanë të bëjnë me arsimin janë në interes të publikut dhe çdo dy javë të ditën e premte do të kemi konferencë për medie.

Ajo tha se një prej vendimeve të para ka qenë mësimi plotësues, proces ky që sipas saj, është zhvilluar në fokus te shkollat fillore te klasat e parë dhe dytë.

Nagavci ka sqaruar se ka pasur kërkesa që të kalohet në orare të plotë të mësimit, po tha se ky vit shkollor do të vazhdojë sipas skenarëve paraprak dhe rekomandimeve të IKShPK-së.

“Na janë përcjellë raportet për numrin e nxënësve dhe puna po vazhdon. Kemi marrë vendimin edhe për 441 nxënës të komunës së Kamenicës nuk kanë marrë pjesë në procesin e rregullt mësimor”.

“Organizimin alternativ të përshpejtuar. Është ofrua mbështetje për matemacientë dhe besoj se do të na sjellin suksese nxënësi tanë këtë proces. Ne synojmë të sigurojmë financim në shkolla në mënyrë që të arrijmë suksese më të mira të procesit të mësimdhënies dhe mësimnxënies. Është në përfundim edhe anëtarë për këshillin shtetëror të cilësisë ne kemi përfunduar procedurat dhe urgjenca është se janë në pritje 239 raporte. Janë duke u marrë hapa edhe për ndërtimin e kapacitetet për Agjencinë për Akreditim. Ka filluar edhe procedurat për rekrutimin e stafit”.

“Këshilli kombëtar i shkencës do të hartojë edhe programin kombëtar të shkencës. Me 2 qershor kam nënshkruar vendim për 90 bursa. Këto bursa do të ndahen nga MAShI. Numri do të jetë 40 bursa. Për gratë shtatzëna ashtu që vendosin që të shfrytëzojnë të drejtën e tyre të mos marrin pjesë fizikisht në klasë. Disa nga punët tjera është edhe dy vendime për emërimin e tre anëtarë në Prizren dhe 3 anëtarëve në UP të Pejës”.

Komento: