Deputeti i PSD-së, Dardan Molliqaj ka thënë se do të prezantojë faktet se Galuk Konjufca ishte në SHIK.

Molliqaj, paralajmëroi se faktet që Glauk Konjufca ka qenë pjesë e SHIK-ut do t’i prezantojë gjatë seancës së ardhshme të Kuvendit të Kosovës.

Këtë deklaratë, Molliqaj e bëri në emisionin “Debat Plus” në RTV Dukagjini, duke thënë se ajo çfarë ka deklaruar më parë qëndron 100%.

Ai shtoi se Konjufca mund ta mbyllte këtë çështje duke e pranuar këtë fakt dhe jo të fshihej ose të shkonte në gjykatë.

Molliqaj tha se seanca e Kuvendit të Kosovës ku është paraparë të flitej jashtë rendit të ditës do të mbahet më 12 prill, ditë që ai premton se do të shfaqë faktet për Konjufcën.

Para 2 muajsh, Konjufca kishte padikur dorëzuar një padi në Gjykatën Themelore të Prishtinës me pretendimet se Molliqaj ka shpifur ndaj tij.

Komento:

	Komenti