Skuadra e Interit ka shprehur interesim për sulmuesin Alvaro Morata, ka raportuar të premten “Tuttomercatoweb”.

Mësohet se Interi po e synon transferimin e Moratas në fund të këtij edicioni.

Për ta bindur Atletico Madridin në lirimin e tij, ekipi italian ka bërë gati një ofertë prej 30 milionë eurosh.

Morata po shihet si përforcim ideal tek Interi për sezonin e ardhshëm dhe me transferimin e spanjollit, ekipi italian do të hiqte dorë nga opsioni i blerjes së Romelu Lukakut.

Lukaku u huazua tek Interi nga Chelsea para fillimit të këtij sezoni, por lëndimet e tij të shpeshta kanë bërë që tek ekipi nga Serie A të mendojnë për një sulmues tjetër.

Morata ka pesë gola këtë edicion, ndërsa me Atleticon ka kontratë deri në vitin 2024.

Komento:

	Komenti