Mospezullimi i taksës, shkak i anulimit të vizitës së gjenerali amerikan në Kosovës – Ora Info Ballina | ORAinfo.com - Nuk ndalet

Mospezullimi i taksës, shkak i anulimit të vizitës së gjenerali amerikan në Kosovës

17:56 | 10 Shkurt 2019

Taksa e vënë për produktet e Serbisë, mbetet njëra ndër temat më të përfolura.

Edhe pse ishte ftuar që të merrte pjesë në 11-vjetorin e Pavarësisë së Kosovës, gjenerali major Timothy Orr, ka anuluar vizitën e tij.

Mospezullimi i taksës nga ana Qeverisë së Kosovës ka bërë që komandanti i Gardës Kombëtare të Iowas, gjenerali majori Timothy Orr, ta anulojë vizitën e tij për në Kosovë.

Vizita e gjeneral majorit Timothy Orr ishte planifikuar që të bëhej nga 16 shkurti deri më 18 shkurt, pra ai ishte i ftuar në 11-vjeotrin e Pavarësisë së Kosovës.

Gjenerali i FSK-së, Rrahman Rama është njoftuar nga zyrtarë të ambasadës amerikane në Prishtinë për anulimin e kësaj vizite.

Anulimin e vizitës së gjeneral majorit Timothy Orr e ka konfirmuar për lajmi.net, Ardian Arifaj, këshilltar i presidentit Hashim Thaçi.

“Po, Gjeneral Rama ka dërguar një letër me të cilën e njofton Presidentin Thaçi se SHBA ka anuluar vizitën e Gjeneralit Orr. Gjeneral Rama na ka njoftuar se ka pasur një takim me përfaqësuesit e ambasadës amerikane në Prishtinë, të cilët e kanë informuar se gjenerali Orr e ka anuluar vizitën e tij”, ka thënë Arifaj për lajmi.net.

Ndërkaq lajmi.net merr vesh se anulimi i vizitës së gjeneralit Orr ka të bëjë me mospezullimin e taksës gjë që ka bërë edhe të bllokoj dialogun në mes të Kosovës dhe Serbisë tash e sa kohë.

Në anën tjetër, lajmi.net ka bërë përpjekje që të marrë përgjigje edhe nga Zyra e Kryeminsitrit, Ramush Haradinaj, për anulimin e kësaj vizite, mirëpo një gjë e tillë ka qenë e pamundur.

Komento: