Muhaxheri dhe Quni shijojnë Darkën e Lamës në Bruksel

14:38 | 24 November 2024
muhaxheri-dhe-quni-shijojne-darken-e-lames-ne-bruksel

Kryetari i Pejës, Gazmend Muhaxheri dhe deputeti i LDK-së, Anton Quni shijuan Darkën e Lamës në Bruksel.

Përmes një postimi në Facebook, Quni thotë se kjo traditë e hershme e tyre, u organizua nga Dega e Lidhjes Demokratike në Beneluks, me kryetar Bahtir Kastrati.

“Në vazhdën e takimeve me bashkëkombasit tanë, kësaj radhe, së bashku me nënkryetarin e LDK-së dhe kryetarin e Pejës z.Gazmend Muhaxherin, u mirëpritëm me Darkën e Lamës në Bruksel. Kjo traditë e hershme e e përzemërt e jona, u organizua nga Dega e Lidhjes Demokratike në Beneluks, me kryetar Bahtir Kastrati, i cili me shumë aktivistë të tjerë, po bëjnë një punë të palodhshme në mobilizimin dhe përkrahjen masive të LDK-së, në rikthimin e saj në krye të vendit”.

“E përgëzoj degën e LDK-së për organizimin dhe mbajtjen gjallë të traditës sonë të hershme dhe mirënjohje pafund për bashkëkombasit tanë në Beneluks dhe anekënd Evropës!”, ka shkruar Quni ndër të tjera.

Komento: