Serie A parashihet të rinisë në fillim të qershorit dhe të përfundojë më 2 gusht.

Federata Italiane e Futbollit vendosi këtë të enjte, pas takimit të zhvilluar me anëtarët e saj, të ndryshojë sërish afatet e përfundimit të sezonit për shkak të krizës së Koronavirusit.

Federata e Futbollit të Italisë është pajtuar të shtyjë përfundimin e edicionit 2019\2020 në Serie A nga 30 qershori për 2 gusht.

Presidenti Gabriele Gravina së shpejti do të miratojë një rezolutë, që shtyn afatin e përfundimin të sezonit sportiv 2019-2020 deri në 2 gusht, transmeton Express.

Njoftimi i Federatës:

“Bota e futbollit po punon pa pushim dhe me përgjegjësi për të gjetur zgjidhje konkrete dhe të qëndrueshme për krizën e gjeneruar nga Covid-19, përfshirë ato të domosdoshme për ruajtjen e garave 20/21…

Ne jemi të kënaqur me komunikimin e vazhdueshëm që kemi me ministrin e Sportit, por edhe me drejtuesit e Shëndetësisë dhe Ekonomisë dhe Financave, të cilëve u kemi propozuar të gjitha masat e nevojshme.

Më çudit, fakti që ka komente që tregojnë se ka njerëz të keqinformuar. Dje u shpjegua në detaje se cila është mënyra jonë: të kthehemi të luajmë në mënyrë të sigurt, edhe organizatat ndërkombëtare, me të cilat është i lidhur futbolli Italian, e kërkojnë…”.

Komento:

	Komenti