Murati për dëmet nga vërshimet: Janë mbështetur 1,905 familje

13:57 | 21 Nëntor 2023
murati-per-demet-nga-vershimet:-jane-mbeshtetur-1,905-familje

Ministri i Financave Hekuran Murati, ka bërë të ditur se janë proceduar pagesat në kuadër të mbështetjes për rimëkëmbje nga dëmet e vërshimeve në 2022 dhe 2023.

Murati, mes tjerash theksoi se janë mbështetur në total 1905 familje.

“Pas përfundimit të procedurave të nevojshme nga ana e komunave dhe komisionit përkatës për vlerësimin dhe verifikimin e dëmeve, tashmë janë procesuar pagesat në kuadër të mbështetjes për rimëkëmbje nga dëmet e vërshimeve në ekonomitë familjare, për vërshimet në 2022 dhe 2023”, shkroi Murati.

“Sipas vendimit të qeverisë, dhe vlerësimit të komisioneve përkatëse, gjithsej janë mbështetur 1,905 familje, ku nga to për vërshimet e shtatorit 2022 janë 620 familje të mbështetura, kurse për vërshimet e janarit 2023 janë 1,285 familje të mbështetura”.

Komento: