Isa Mustafa i ka dërguar një mesazh Vjosa Osmanit, përmes një postimi të tij.

Kreu i LDK-së, Isa Mustafa, përmes një mesazhi drejtuar strukturave të partisë ka thënë se partia e tij dhe Kryesia nuk e ka zgjedhur kohën e Coronavirusit për të proceduar mocionin e votëbesimit, por e zgjodhi kryeministri Albin Kurti sipas tij me sjelljet dhe veprimet e tij arbitrare dhe me shkeljen e Marrëveshjes qeverisëse.

Mustafa i ka dërguar një mesazh kryekuvendares Vjosa Osmani, duke thënë se “nuk është e natyrshme që dikush të jetë me LDK-në dhe kundër vendimeve të LDK-së. Kjo sjellje duhet të merr fund”.

Postimi i tij:

Të nderuar, bashkangjitur gjeni një mesazh nga Kryetari Mustafa

Të nderuar anëtarë të Kryesisë, deputetë dhe kryetarë të degëve

LDK ka proceduar me mocion votëbesimi ndaj Qeverisë Kurti.

LDK dhe Kryesia e saj nuk e ka zgjedhur kohën e Coronavirusit për të hapur këtë proces, por e zgjodhi Kryeministri Kurti me sjelljet dhe veprimet e tij arbitrare dhe me shkeljen e Marrëveshjes qeverisëse.
Njerëzit e LDK-së pritet ta duan dhe ta respektojnë LDK-në.

LDK nuk ka dy zgjidhje, Thaçin apo Kurtin, siç po shprehen disa. Por e kanë një zgjidhje. E kanë vetëm LDK-në dhe Kosovën.

LDK nuk mburret që është unike vetëm kur ndanë pozita, por edhe kur sfidohet, pra kur duhet të solidarizihet me veprimtarët e saj që padrejtësisht atakohen, shpallen tradhëtar dhe etiketohen nga ata që shpresuam se do të qeverisim bashk.

Prandaj unë ju apeloj që ju që e duani LDK-në të jeni me LDK-në dhe me vendimet e saj.

Nuk është e natyrshne që dikush të jetë me LDK-në dhe kundër vendimeve të LDK-së.

Kjo sjellje duhet të merr fund.

Me respekt

Kryetari i LDK-së, Isa Mustafa

Komento:

	Komenti