Julian Nagelsmann do të qëndrojë si trajner i kombëtares së Gjermanisë pasi ka nënshkruar një rinovim të kontratës deri në përfundimin e Kupës së Botës 2026.

36-vjeçari zëvendësoi Hansi Flick në shtator 2023, duke nënshkruar një marrëveshje afatshkurtër deri pas Kampionatit Evropian këtë verë.

Nagelsmann ka fituar tre nga gjashtë ndeshjet e tij në krye të skuadrës, duke përfshirë fitoret ndaj Francës dhe Holandës në mars, dhe tani do të qëndrojë përtej verës në një marrëveshje afatgjatë.

Ai tha: “Ky është një vendim i zemrës. Është një nder i madh të jesh në gjendje të stërvitësh kombëtaren dhe të punosh me lojtarët më të mirë në vend. Me shfaqje të suksesshme dhe plot pasion, ne kemi mundësinë të frymëzojmë një vend të tërë.

Komento:

	Komenti