Napoli i kthehet fitores, mposht Sampdorian.

Pas humbjes ndaj Interit javën e kaluar, skuadra e Napolit është rikthyer te fitorja në Serie A.

Në ndeshjen e vlefshme për javën e 17-të, të udhëhequrit e Luciano Spallettit shënoi fitore në udhëtim kundër Sampdorias – shkruan Gazeta Express.

Ndeshja e zhvilluar në stadiumin “Luigi Ferraris” përfundoi me rezultatin 0:2.

Victor Osimhen (19’) dhe Elif Elmas (82’ – nga penalltia) shënuan në fitoren e mysafirëve.

Te napolitanët sonte Amir Rrahmani hyri si zëvendësues në pjesën e dytë.

Napoli pas kësaj fitore ka 44 pikë dhe vazhdon kryesimin në tabelë, tani me shtatë pikë më shumë se Juventusi, që renditet i dyti.

Sampdoria ndodhet në pozitën e 18-të me vetëm nëntë pikë të grumbulluara.

Komento:

	Komenti