Nasim Haradinaj e fsheh biznesin me njeriun që kërkonte ryshfet në emër të Xhavit Halitit – Ora Info Ballina | ORAinfo.com - Nuk ndalet
Lajmet e fundit
0 °C

Nasim Haradinaj e fsheh biznesin me njeriun që kërkonte ryshfet në emër të Xhavit Halitit

20:17 | 06 Qershor 2019

Nënkryetari i OVL-së së UÇK-së Nasim Haradinaj, në deklarimet e pasurisë në Agjencinë Kundër Korrupsionit (AKK), ka fshehur biznesin që ai ka së bashku me Rrahim Hashimin, ky i fundit i dyshuar për ryshfet.

Insajderi kishte publikuar një sërë hulumtime ku Rrahim Hashimi së bashku me Kadri Rexhepi i kërkonte ryshfet Faton Dalladakut në emër të Xhavit Halitit dhe Kadri Veselit.

Videoja ku mashtruesit Kadri Rexhepi e Rrahim Hashimi e përfshijnë Xhavit Halitin në fajde

Sipas Agjencisë të Regjistrimit të Bizneseve –ARBK, biznesi “West Investigation &Advisory LL.C” është në pronësi të Nasim Haradinaj, Rrahim Hashimi, Ilir Gjeli, Korab Rexhepi, nga ku Haradinaj i ka 30 për qind të kapitalit.

Në deklarimin e bërë publik nga AAK-ja shihet se drejtori Bujqësisë së komunës së Deçanit nuk e ka deklaruar këtë biznes në deklarimin e pasurisë për vitin 2019. Të njëjtin nuk e ka bërë publik as në deklarimet e viteve paraprak.

Se janë pjesë e së njëjtit biznes me Hashimin, e ka konfirmuar për media edhe vetë Haradinaj.

“Kryesori është Shkelzen Mulaj, i Zvicrës është. Unë kam qenë në dijeni që jam me Rrahimin këtu. Është kompani që hala s’po funksion mirë, është në ngritje e sipër. Jemi në përgatitje. Nuk më pengon fakti që jam në kompani me Rrahmon Hashmin. Rrahim Hashim e njohë edhe si bashkëluftëtarë. E kemi përcjellë edhe kur ka qenë në Hagë. Akuzat tash i vërteton gjyqi. Unë nuk jam i implikuar me të për këtë çështje. Unë jap përgjegjësi nëse veç për kompani diçka jam i implikuar”, kishte deklaruar nënkryetari i OVL-së së UÇK-së, Nasim Haradinaj.

Ndërkohë, Haradinaj si pasuri të luajtshme ka deklaruar që posedon një veturë në vlerë prej 4 mijë eurove dhe një mëz të vogël në vlerë prej 3 mijë euro.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!