NATO mirëpret de-eskalimin në veri: Jemi të gatshëm të ndërhyjmë për lirinë e lëvizjes.

Zëdhënësja e NATO-s, Oana Lungesco e ka mirëpritur de-eskalimin e situatës së tensionuar në veri të Kosovës. Ajo ka thënë se NATO është e gatshme të ndërhyjë nëse cenohet liria e lëvizjes në Kosovë.

Ajo ka kërkuar që tani palët t’u përmbahen detyrave të tyre, raporton Gazeta Express.

“NATO mirëpret përpjekjet për de-eskalimin e tensioneve në veri të Kosovës. Ne presim që të gjitha palet t’u përmbahen detyrave të tyre”, ka shkruar ajo.

Ajo ka deklaruar se NATO dhe KFOR po e vëzhgojnë me kujdes situatën, duke treguar gatishmëri për të ndërhyrë që ta garantojë lirinë e lëvizjes.

“NATO KFOR, po vëzhgon nga afër dhe është i gatshëm që të ndërhyjë nëse është e nevojshme, në përputhje me mandatin nga OKB për ta garantuar lirinë e lëvizjes”, ka shkruar ajo.

Pas lirimit të serbëve të arrestuar nga Policia e Kosovës gjatë ditës së djeshme, sot ka nisur heqja e barrikadave në veriun e vendit, të cilat kishin pamundësuar lirinë e lëvizjes.

Komento:

	Komenti