Zbulohet plani gjashtë pikësh i Putinit për Kievin.

Ukraina po vazhdon të përjetojë agresionin rus për të dytën ditë me radhë.

Autoritetet ukrainase kanë pohuar se deri më tani kanë vdekur si pasojë e sulmeve 137 ushtarë dhe civilë ndërsa Sekretari i Mbrojtjes i Mbretërisë së Bashkuar, Ben Wallace ka thënë se Rusia ka humbur 450 personel në radhët e ushtrisë.

Por, mediumi ukrainas, “The Kyiv Independent”, duke iu referuar burimeve të inteligjencës “Ukrainska Pravda”, ka zbardhur se cilat qëllimet e Rusisë për kryeqytetin e Ukrainës, Kievin.

Ky është plani gjashtë pikësh i presidentit rus, Vladimir Putin:

1) intensifikon sulmet përgjatë kufirit, në mënyrë që trupat të largohen nga Kievi;

2) kap një nga aeroportet e Kievit, pasi grupet e sabotimit shkëputin qytetin nga energjia elektrike dhe komunikimet për të shkaktuar panik;

3) organizon zjarrvënie dhe grabitje për të krijuar më shumë panik;

4) të nisë një sulm kibernetik në faqet e internetit të qeverisë;

5) nxisin më shumë panik për të krijuar “kolona të pakontrolluara refugjatësh” nga Kievi për të bllokuar autostradat dhe për të penguar lëvizjen e trupave ukrainase;

6) uzurpim i ndërtesave qeveritare.

Synimi i dëshiruar: Të kapet lidershipi i shtetit (nuk specifikohet se kush) dhe t’i detyrojë ata të nënshkruajnë një marrëveshje paqeje sipas kushteve ruse, duke kërcënuar me vdekje të mëdha civile, përcjell Telegrafi nga mediet e huaja.

Rezultati – Ukraina mund të ndahet në dy pjesë, si Gjermania Lindore dhe Perëndimore.

Ndryshe, autoritetet ukrainase kanë bërë të ditur se në radhët e tyre kanë vdekur 137 ushtarë dhe civilë.

Komento:

	Komenti