Milan nuk ka zhvilluar bisedime me Fiorentina për një marrëveshje për anësorin Federico Chiesa.

Milani ka qenë i lidhur fort me një lëvizje për Chiesa gjatë dy ditëve të fundit, me sugjerime se negociatat me agjentin Fali Ramadani janë duke vazhduar.

SportMediaset raportoi të martën duke raportuar se Milani i ka paraqitur një ofertë Fiorentinës për Chiesa, e përbërë nga Lucas Paqueta (vlerësuar në 20-25 milionë euro) plus 20 milionë euro para dhe 10 milionë euro të tjera, por kjo u mohua nga Presidenti i Violes, Rocco Commisso, përcjell ORAinfo.

Siç është raportuar nga Gianluca Di Marzio për Sky Italia, Milani ende nuk është në bisedime me Fiorentina për 22-vjeçarin.

Në korrik, Inter kontaktoi Fiorentinën në lidhje me lojtarin italian për të kërkuar informacion, por Commisso kërkoi 90 milionë euro.

Kjo shifër mund të ulet me kalimin e kohës, por jo aq sa marrëveshja të jetë i mundur për çdo klub italian.

Di Marzio shton se lojtari do të preferonte të qëndronte në Itali. /ORAinfo/

Komento:

	Komenti