Sonte do të zhvillohet ndeshja mes Ajaxit dhe Juventusit.

Një granatë shpërthyese është gjetur në Den Haag në prag të ndeshjes Ajax – Juventus.

Një kërcënim me bombë ka ndodhur në Den Haag të Holandës në prag të ndeshjes së sotme ndërmjet Ajaxit dhe Juventusit në Ligën e Kampionëve.

Në qendrën e tifozëve të Den Haagg para hyrjes është gjetur një granatë shpërthyese. Ndërsa, anash ishte shkruar me ngjyrë shenja identifikuese e tifozëve të Ajaxit, “XXX”.

Kështu, siç njoftojnë mediat e huaja, dyshimet e para për kryerjen e këtij veprimi shkojnë te tifozët e Den Haagg. Kjo për faktin se ky grup tifozësh më herët është binjakëzuar me tifozerinë italiane të Juventusit. Kjo ka bërë që Policia t’i shtojë masat e sigurisë për përballjen Ajax – Juventus për ta shmangur ndonjë trazirë të mundshme në rrugët e qytetit, raporton Gazeta Express.

Po ashtu thuhet se në zonën e tifozëve të Juventusit në tribuna do të bashkohen edhe ata holandez të Den Haag.

Komento:

	Komenti