Kategoria
Lajmet e fundit
16 °C

Në 25 vjetorin e NDI-së, me mesazhe të veçanta nga Clinton, Clark, Rubin e shumë të ftuar të tjerë

20:36 | 18 Shtator 2024
ne-25-vjetorin-e-ndi-se,-me-mesazhe-te-vecanta-nga-clinton,-clark,-rubin-e-shume-te-ftuar-te-tjere

Të martën mbrëma, miqtë, partnerët dhe bashkëpunëtorët e NDI-së u mblodhën për të shënuar 25 vjetorin e punës për forcimin e demokracisë në Kosovë.

Ngjarja u shfrytëzua si një mundësi për të reflektuar mbi arritjet e përbashkëta dhe për të nderuar përkushtimin e jashtëzakonshëm të partnerëve, të cilët, me kontributet e tyre ndër vite, kanë luajtur një rol kyç në ndërtimin e një demokracie më gjithëpërfshirëse dhe transparente.

Me mirënjohje të thellë ndaj USAID-it dhe të gjithë mbështetësve për angazhimin e palëkundur ndaj misionit të NDI-së, organizata u shpreh e nderuar nga mesazhet speciale të dërguara nga ish-presidenti Bill Clinton, administratorja e USAID-it Samantha Power, gjenerali në pension Wesley Clark, i dërguari special James Rubin dhe Katie Albright.

Gjithashtu, pjesë e ngjarjes ishin edhe fjalimet e mbajtura nga Presidentja e Kosovës, Vjosa Osmani, Ambasadori Amerikan, Jeffrey M. Hovenier, dhe Robert Benjamin, Drejtor Rajonal i NDI-së për Europën Qendrore dhe Lindore.

Një pjesë e veçantë e mbrëmjes iu kushtua nderimit të trashëgimisë së Madeleine Albright, kryetares së ndjerë të NDI-së, puna dhe vizioni i së cilës vazhdojnë të frymëzojnë misionin e organizatës.

Komento:
Lajme të tjera
ORAinfo
✕
© 2012 – 2024 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

IMPRESSUM
TEL : 044 / 911 100